حينما يجتمع 5 من أبرز قادة الاخوان في منطقة عشوائية و فقير
ة . يجتمعون و يصلون و يقمون بالخدمات
الطبية للناس . ما هي الطبيعة الساحره لهذا المكان التي تجذب أبرز قادة الاخوان
المسلمين للسكن و العمل به ؟ . كان هذا السؤال هو السبب الرئيس في تحريك فضولي
للذهاب لمعرفة طبيعة هذا المكان .
انها طالبية الهرم بعد ساعة من السير
بالميكروباص على الطريق الدائري حتى أصل الى نزلة حي الهرم ثم بعد ذالك اخد عربية
الترامكو لأصل بها الى منطقة طالبية فيصل و منها سيرا على الاقدام حتى اصل الى
شارع الهرم تحديدا عند مدخل شارع عثمان محرم لتكون بداية دخول منطقة الطالبية
الهرم عبر التوك توك .
وسيلة المواصلات الوحيدة لدخول
الطالبية هي التوك توك او العربية البوكس لكن فرق سعر الاجرة بين التوك توك و
العربية البوكس يجعل اغلبية السكان يفضلون العربية البوكس لانها بـ 25 قرش عن
التوك توك اللي بـ 2 جينيه .
طبيعة المكان .
يسير بيا التوك توك في شارع عثمان محرم
و هو الشارع الرئيسي في الطالبية مسمى على اسم أحد ظباط ثورة 23
يوليو و ينتهي بمنطقة زراعية و هي منطقة الكنيسه و التي يطلق عليها اهالي طالبية
" حزب الكنيسه " لانها مكان اقامة جمال العشري عضو مجلس الشعب عن حزب
الحرية و العدالة و عائلته وهي شبة مقاطعة خاصة بهم .
شارع عثمان محرم ضيق و زحمة جدا و لا يسمع بسير عربيات الملاكي بحرية
فيه رغم انه من أكبر الشوارع في الطالبية . انتشار البياعين الجائلين في الشوارع و
كل اصحاب المحالات محتلين الرصيف و اجزاء من الشارع ده غير انتشار عربيات بيع
البنزين و السولار في الشارع سوق سوداء على عينك يا تاجر .
غير الباعة الجائلين و سرادق المحالات الملابس و السوبر ماركت
يوجد سرادق من نوع أخر و هي سرادق حزب النور اللي بيبيع فيها كيلو اللحمه بـ 38
جنية يوم الجمعة فقط و لمدة ساعتين بعد صلاة الجمعة و فيها بيتخانق اهالي الطالبية مع بعض عشان كيلو
لحمه .
سكان الطالبية ناس فقيره جدا تراهم في جمع المناطق الشعبية و
اغلب لبسهم هو الجلايب لستات و الرجاله و التي شيرتات من اللي هي بـ 10 جنية ده
اغلب لبس الشباب فيها .
أصل بالتوك توك الى المستوصف الأسلامي و هو يعتبر شرارة الحب بين قادة الجماعة الأخوان و
أهالي الطالبية .
المستوصف الطبي الاسلامي .
يقع المستوصف في 95 شارع عثمان محرم في نفس العمارة اللي كان
يسكن بها عصام العريان و يتكون من طبقين . في بدايته كان عبارة عن مستوصف خيري
كشفه 3 جنية و من اشهر اطباءه دكتور عصام العريان و حلمي الجزار و عبد الناصر صقر و يقال من اهالي المنطقة أنهم
من انشاءو هذا المستوصف و بعد ذلك يتحول
لمستشفى خيري فيه جميع التخصصات و بقى كشفه يتراوح بين 12 الى 17 جنية .
رواد المستوصف كلهم ناس غلابه قوي و اغلبهم من سكان الطالبية و
المناطق المجورة زي العمرانية و بولاق و الهرم بيجوا على المستوصف لشهرته و رخص
كشفه .
يحيط بالمستشفى الجامع الاسلامي و مدرسة فضل الخاصة و هي مدرسة ملك رجل الأعمال
محمد فضل نسيب عصام العريان . مصاريف المدرسة 1500 جنية و محدش بيدخلها غير الناس
الميسورة الحال شوية في الطالبية اللي هو موظف و يقدر يدخل ولاده مدرسة خاصة اما
الباقي فبيروح مدارس حكومية في العمرانية أو الهرم .
كان في حالة توجس و قلق من الناس في الكلام معايا و ده يمكن
لاني غريب عن المكان و الشارع عبارة عن متر في متر يعني لو حد مد ايه من بلكونته
هيجيب الغسيل اللي في بلكونة جاره اللي
قدامه . و لن أنكر قلقي الشخصي أنا كمان لان كل أصدقائي لما عرفوا أني رايح
الطالبية و دعوني و قالولي يا هتضرب يا
تتخطف جوا و مش هتتطلع . و أمي كان عندها قلق لدرجة حسيستني أني رايح فلسطين اجاهد
مش رايح مكان يفصل بيني و بينه الطريق
الدائري .
عم عبد الرحيم غفير مدرسة فضل الخاصة و كان اول من اتحدث معهم
من اهالي الطالبية " الامن يا استاذ العيال البلطجية مبهدلانا هنا قوي كل يوم
و التاني محل مسروق يعني عندك المخبز ده مسروق اول امبارح و البقال اللي في اخر
الشارع مسروق امبارح كل ده في عز النهار بيجوا شوية عيال على مكن كده يسرقوا
المحالات و محدش بيقدر يعملهم حاجة . عصام العريان و جمال العشري و الناس دي كلها
من بعد الانتخابات مبقناش بنشوفهم خالص ".
رفض صاحب المخبز و اللي شغالين فيه الكلام معايا و اكتفوا بقول
" سبونا بالمصايب اللي احنا فيها مش نقصاكوا يا بتوع الجرانين تنطوا على
قفانه " .
اترك عم عبد الرحيم و اتجول في الشارع باحثنا عن سكان اخرين في المنطقة ، يعتبر شارع المستوصف
الاسلامي من الشوارع الضيقة جدا و عبارة عن بيوت اهالي كلها 5 ادوار و خلاص على
عكس العمارة اللي فيها المستوصف لانها تعتبر من اكبر العماير في الشارع و المحلات
في الشارع بسيطة جدا و صغيره و تنزل لها بدرجتين تحت أرض الشارع قوي .
و في اثناء سيري في الشارع اقابل عم عبد الباقي صاحب محل صيانه
اجهزة و بقالوا 6 سنين عايش في الطالبية و قالي " أنا مش قديم قوي في المنطقة
بس اعرف عصام العريان من ايام ما كان بيلبس البالطو بتاعو هو و حلمي الجزار و كان بيجي كل حد و خميس فيه . ناس طيبة قوي
بيعملوا خير لاهل حتيتهم . منقدرش نطلب من عصام العريان حاجة دلوقتي و نقولوا الزبالة و الامن احنا سيبينه للامور
الكبيره في البلد يخصلها الاول و بعدين يفضى للكلام للمشاكل الصغيره بتاعتنا احنا
ممكن نستحمل شوية ".
و في اثناء حديثي مع عم عبد الباقي يأتي عم جمال عبد الحميد
صاحب ورشة تصليح عربيات في شارع المستوصف الاسلامي و بقالوا 20 سنة مقيم في
الطالبية " الزبالة هنا اكبر
مشاكلنا سيبك من المخدرات و الامن كل ده موجود في كل حتى انما الزبالة
عندنا محدش بيشلها خالص و بيجوا ياخدوا مننا فلوس من اصحاب المحالات 50 جنية و
الورش 25 جنية و الشقق 3 جنية و محدش بيشيل حاجة مرميهه في الشوارع زي ما أنت شايف
كده . اعرف طبعا عصام العريان و حبيبه
كلهم الشبخ صفوت و حلمي الجزار و عبد الناصر صقر كلهم كانوا بيجوا يصلحوا عندي
عربيتهم و يقعدوا معانا هنا في المنطقة اصلا كلهم طلعوا من هنا و اتربوا في قلب
الطالبية بس بعد الثورة محدش بقى بيشوفهم زي الاول يعني اخر مره شوفت فيها عصام العريان كان في عزاء نسيبه محمد فضل جيه
خد العزاء و مشي على طول ".
بعد الحديث مع بعض سكان شارع المستوصف اذهب لكي اصلي العصر أنا و محمد المصور في الجامع الاسلامي و لكي
نتحدث مع الجماعة السنية " كما يطلق عليهم أهل المنطقة " و هي تعتبر نسبه
كبيره في المنطقة و هم دائما متركزين في هذا المسجد و لان المنطقة مقسمة اتنين نص مربي دقنة و تبع
السلفين و الاخوان و النص التاني مقضيها مخدرات .
بعد صلاة العصر اجد في الجامع المهندس عبد الخالق المهدي و هو
الوحيد اللي رضي يتكلم من الجماعة السنية و
هو مقيم في طالبية من 18 سنة و مسؤل عن المسجد الاسلامي و جار عصام العريان في
السكن " الجامع ده يا ما شاف اجتماعات الافاضل كلهم عصام العريان و سعد زغلول
و عبد الناصر صقر و حلمي الجزار الحبايب
كلهم و الشيخ صفوت حجازي كان دايما بيخطب هنا و يصلي بالناس في رمضان ده غير انهم
كانوا بيصلوا و يخطبوا في الناس و فيهم الخير لانهم اتربوا و طلعوا من هنا من قلب
الطالبية . امن الدولة اه كان بيضيقهم كان يجي مثلا و يلاقي الجامع مفتوح يقول
الجامع ده ليه مفتوح مش مقفول ليه بعد الصلى و ممنوع ناس تتجمع فيه تاني حتى لما
عصام العريان مره خطب في الناس كان بس بيكلمهم عن الدين و انهم يعملوا ايه الصح و
ايه الغلط ؟ جيه امن الدولة و علق ورقة و قال ممنوع حد يخطب في الناس غير امام
الجامع اللي معيناه وزارة الاوقاف . حتى عصام العريان كان دايما يهزر معانا و
يقولنا أنا محضر الشنطة و شايلها جنب الباب عشان وقت ما يجوا ابقى جاهز ."
تعتبر الطالبية مكان لولاده قادة الاخوان المسلمين لما يبقى
عصام العريان عضو مكتب الارشاد و نائب رئيس حزب الحرية و العدالة و عاش في
الطالبية 25 سنة و لم يتركها الا بعد الثورة .
الشيخ صفوت حجازي اللي تعلم بكُتَاب الشيخ عبد الواحد بحى
الطالبية و مكتبه في شارع الهرم على بعض
امتار من حي الطالبية و هو عضو جماعة الاخوان المسلمين .
حلمي الجزار : القيادي بجماعة الإخوان المسلمين و نائب رئيس المكتب
الإداري لجماعة الإخوان المسلمين بالجيزة . عضو مجلس الشوري و عضو مجلس نقابة
أطباء الجيزة و مقيم في الطالبية .
عبد الناصر صقر : عضو جماعة
الأخوان المسلمين و نقيب اطباء الجيزة . لديه عيادة في شارع عثمان محرم في الطالبية
بخلاف كشفه في المستوصف الاسلامي .
جمال العشري : عضو حزب الحرية و العدالة اللي انشاءه جماعة
الاخوان المسلمين و هو يقيم هو عائلته في الطالبية و بالاخص في منطقة الكنيسه .
يعتبر جمال العشري ليس من القيادي الاخواني في الجماعة و انما
عضو حزب الحرية و العدالة و لكنه شخص غير محبوب من أهل دايرته نظرا لمواقفه معاهم
لا يستمع لمشاكلهم نهائي اعتمد على شعبية جماعة الأخوان المسلمين و عائلته في
الفوز بالكرسي البرلمان و ليه مواقف مغزله في الفترة الاخيرة خصوصا بعد ما تجمع
أهل دائرة العمرانية أمام مبنى محافظة الجيزة بسب أزمة الانابيب و ذهب لهم عند مبنى المحافظة و قالوا له أن سعر الأنبوبة
وصل 60 جنية و الأنابيب بتتوزع بالمحسوبية للاخوان بس . انفعل جمال عشري قالهم
خليكوا واقفين خالوا المحافظة تنفعكوا مما أدى لغضب الأهالي و قالوا له : دي غلطتتنا
اننا انتخبناك من الاول . رد عليهم متبقوش تنتخبوني تاني .
فيديو جمال العشري مع أهالي العمرانية :
من المواقف اللي حصلت وقت الدعاية الأنتخابية للبرلمان لما عصام
العريان كان قاعد مع أهل دايرته على القهوة و جالوا واحد قالوا أنا مش هنتخبك عشان
أنتوا هتقفلوا القهاوي رد عليه عصام العريان قائلا ليه " ما تيجي اللعبك
عشرتين طولة و نشوف مين فينا احرف من التاني في اللعب ."
نشاط جماعة الاخوان في المنطقة .
بيساعدوا الاسر الفقيرة بفلوس " شهرية " كل شهر ده
غير الرز و الزيت و السكر و كل الحاجات دي اللي بيعملها الأخوان كل فترة باسعار
رمزية لاهل المنطقة و توزيع الانابيب على
الناس عن طريق عمل كوبونات لكل واحد ياخد بيها الانبوبة بتاعته بعد تكرار ازمة
الانابيب في البلد .
اشمعنى الطالبية
.
يقول دكتور محمد الباز صحفي
متخصص في الجماعة الاخوان و الجماعات الاسلامية " اعتمدت جماعة الاخوان
المسلمين التواجد بكثافة في المناطق الشعبية الفقيرة و عمل مشاريع خيرية زي
المستوصفات و مجموعات التقوية للطلبة و ذلك لكسب تعاطف و حب الناس ليهم و تعمد
وجود كبار القادة فيها لكسب شعبية و تجمع الناس حواليهم طوال الوقت لتحقيق اهدافهم
السياسية . "
أحمد صبري
