عجبني أوي البرامج اللي طلعت على النت بعد الثورة زي باسم شو و منى توف الواحد كان بيضحك ضحك و هو بيتفرج على الحلقة منهم و فجاه و بدون مقدمات دخل السباق على برامج الكوميديا بس من نوع تاني كوميديا شو بطولة شيوخ الفضائيات و فلوطة مش فطوطة بتاع سمير غانم اللي كنا بنشوفه زمان لا فلوطة اكتب على اليوتيوب فلوطة و هيطلعلك على طول بشحمه و لحمه و احيانا بيطلع بالترنج و جانبوا صف من الجوائز حصل عليها في الاولمبكياد.
ابتدا الكوميديا السوداء محمد حسين يعقوب بعد الاستفتاء على طول بفيديو غزوة الصناديق و طبعا كم الانتقاد اللي خده خلى اللي حط الفيديو يسمحه و تقريبا كان حطة و فاكر انه هيزيد من شعبية الشيخ و يوضح مده مساهمته في حل مشاكل الفقراء لما قال بطلب من الجزارين يقللوا سعر اللحمه شوية و الناس تقلل اسعار الاكل عشان اهل امبابة غلابة , و بعدها هل علينا يعتذر و انه كان بيهزر .
اوبا بيهزر بس أنا ما ضحتكش د أنا اتشتمت و اتمسخرت لما انتقدته و صحبي قطع معايا نهائيا و مش راضي يكلمني لحد دلوقتي عشان غلط في الجهبز العلامة رجل السياسة الاول و الاخير المحاضر العالمي يعقوب .
بعد فيديو يعقوب و الكلام و هات و خد على اللي حصل تقريبا الشيوخ قالت فرصة احنا كمان عايزين شهره هو يعقوب احسن مننا في ايه و بعدين دلوقتي اللي يتكلم في السياسة مبيعرحش امن الدولة لا بيطلع على اليوتيوب و برامج التوك شو كلها تعرض الفيديو تطلب استضافة الشيخ و قرر الشيوخ بدل غزو الصناديق غزو الفضائيات و ابتديت البليه تلعب مع شومان صاحب فيديو لبيرالي يعني يعني امك .. اه امك انت .. تقلع حجاب , شومان بعد الفيديو ده طلع و اعتذر للبرادعي عن سوء الفهم و المعلومات اللي قاله و قال مكنتش اقصد .
بس برضوا انا اللي روحت فيها و اخد نصيبي التمام من كم الشتايم على الفيس بوك ده في واحد بعتلي 24 مسج و كتبلي 15 بوست على الول كلهم جملة واحده " بتشتم الشيوخ ليه يا جزمة يا ابن الجزمة " . و معهما احاول اوضح او افهموا ابدا يشتم فيا و خلاص كل ده عشان الشيخ بيهزر . شومان الدنيا زهزت كده معاه و عمل برنامج على قناة الرحمة اسمه على فين يا مصر رغم ان كلامة و معلوماته الغلط كفيله انها تودي مصر في داهية بس خلاص الراجل حقق الهدف المنشود الفيديو عملوا دعاية جامده و البرامج بتاعه بقى بيجيب اعلانات طظ في اي حاجة تانية بقى .
بقيت الشيوخ غارت و قالت اشمعنه احنا بقى ناقصين دقن و لا قلة عقل مثلا عشان منشتهرش احنا كمان و ابتدا كل واحد يدور في جعبته كده على درس ديني ليه كان بيقولوا يقول بيه كلام مستفز و غلط من اوله الاخره و يدفع بيه على النت و مش بعديد يطلب من صحابة و قاريبة و حبيبه و الناس اللي مصداقة انهم ينشروا الفيديو ده بقدر المستطاع على النت عشان يوصل لاكبر قدر من الناس و يتحقق لشيخنا الهدف و انه يطلع في برامج التوك شو الليليه و يدافع و يستميت على وجهة نظره اللي هو ممكن يكون مقتنع انها غلط بس الشو لازم يتحقق للشيخ برضوالانه واثق من فشل الاعلام اللي عدنا اللي صنع من عبود الزمر القاتل بطل قومي و اخذت القنوات تتهافت عليه من اجل الحوار معه .
و ده هتلاقية واضح اوي في فيديوهات ابو اسحاق الحويني اللي متسجلة من سنتين او اكتر عن الجواري و الرق و تحريم كلية الحقوق , ابو اسحاق حس ان البساط بينسحب من تحته و انه لو مبقاش ليه دور بطولة في الصراع اللي شغال ده مش هيشتغل تاني فقرر انه يزق فيديوهاته القديمة و يصحبها بكام تصريح لليوم السابع عشان تبان جديدة و ده نفس اللي عملوا الشيخ اللي مرشح نفسه للرئاسة لما قال هحرم الخمر لو كسبت .
الموضوع ما وقفش على شيوخ الفضائيات لا بقى في كل المساجد , أدخل أصلي المغرب او العشاء في أي مكان الاقي شيخ قاعد بتربيزة و قزازة ميه و كانز قدامة و ميكروفون و مناديل و قاعد بيقول سموم في وجهة الناس و في اتنين من صحابة معاهم كاميرا بيصور درس الشيخ و في نهاية الدرس الشيخ يقول ان شاء الله هحط الدرس بتاعي على النت عشان اهليكم في البيت يقدروا يتفرجوا عليه و يستفادوا منه , و هو هدفه واضح و صريح انه يثير قضية و يلعب بمشاعر الناس و تتقلب الدنيا خناقة و الناس تقول ده عالم و انت تيجي جنبه ايه و هب يلاقي برنامج بيتصل بيه ممكن تشرفنا فيالبرنامج يا شيخنا توضح على الملاين وجهة نظرك .
فلوطة ده بقى حكاية لوحده دخل سباق اليوتيوب بالغلط و بقى ينافس شومان على ايهما اقوى ليبراليه يعني امك تقلع الحجاب و لا مدنية زي قوم لوط و ان البنت الاخوانية افضل بكتير من الغير اخوانية , فلوطة حب يحسن صورته و يعمل فيديو يشرح فيه لشباب الاخوان وجهة نظره بس واضح ان حد بيحبوا اوي و نشر الفيديو على اليوتيوب اللي فلوطة نازل فيه تصريحات و تشبيهات عجيبة , فلوطة اضر بالفيديوهات اكتر ما استفاد منها و لكنه مفيش مانع برضوا انه يخش الصراع يمكن ده يزود اهتمام الناس بيه اكتر فلوطة مشي بنفس منهج السابقين الاعتذار و انا برضوا اتشتم و اتهزق.
جايز تكون وجهة نظري دي غلط ميه في الميه و انها مبنه على اساس غلط بس لما بفكر الناس دي بتعمل كده ليه هدفها ارشاد الناس و انقاذ الناس من دخول النار و انهم لو اتبعوهم هيدخلوا الجنة معتقدش, انما الهدف المادي بالنسبالهم مهم طبعا درس هنا و درس هنا قناة فضائية برنامج و اعلانات شهرة و دعاية كل ده بيرضي طموح الشيخ الشخصي و يحقق ربح مادي ليه , كل واحد من الشيوخ او فلوطة بيسعى لهدف في دماغه بيستخدم الدين فيه عشان يحقق غايتة و يوصل لهدفه اسرع
اخر كلمة هقولها عمرك شوفت رجل دين بيقول كلام ربنا غلط و يرجع يقول انا بهزر هو الدين اللي هما خايفين عليه و بيحاربوا الناس و مكفرنهم في عيشتهم بقى مادة للهزار!.
