ميكروباصات مصر لازم تخش موسوعة جيبس و تبقى من عجائب الدنيا السبع و طالما الاهرمات طلعت من المنافسة يبقى الميكروباصات اوله , لو مركبتش ميكروباص في مصر يبقى أنت أكيد مش في مصر لانك لازم تشرب من نيلها و تركب ميكروباصتها و أنا من واقع خبرتي الطويله و المناضله في ركوب الميكروباص من أجل الحصول على كرسي فاضي و توصيله لمشواري العزيز قرارت أنقل اليكم مواقفي الطريفة و الظريفه و خبراتي مع الميكروباص .

الثلاثاء، 13 سبتمبر 2011

معاناة شاب معهوش واسطة بعد الثورة


كنت متخيل ان لما الثورة تقوم حال البلد هيتعدل، و تبقى ثورة على كل حاجة ... ثورة على الفساد والبطاله ... وأهم حاجة تبقى ثورة على الواسطة

أنا اعلم ان الثورة ليست عصا موسى السحرية اللي هتغير البلد في يوم و ليلة، ولكن كان عندي ايمان و يقين بإن حال الناس هيتعدل وكل واحد يراعي ربنا عشان عايز البلد تتغير، وإن كل صاحب شغل خلاص هيلغي من قاموسه كلمة "ده جاي من طرف مين ؟" وان الكل هيبقى متساوي 
.
وبعد ما تنحى مبارك والبورصة رجعت تشتغل تاني، وبدأت الحالة العامة تتحسن، رجعت تاني لرحلة البحث عن وظيفة ... وبدأت ادور في مواقع النت والأهرام والوسيط و كل خرم ابرة يعلن عن طلب مهندسين. وبعت السي في بتاعى وفضلت قاعد جنب التليفون مستني حد من دول يتصل بيا و يعبرني ... "بس تقريبا كل اصحاب الشركات خطوط تليفوناتهم كارت مش خط فالرصيد على طول خلصان". 

قلت اجرب طريقة تانية، أنزل بنفسي اطبع لي 30 أو 40 سي في كده و انزل ادور بنفسي على شغل في أكتر الاماكن اللي بيبقى فيها تجمع للمصانع والشركات ... زي المنطقة الحرة في مدينة نصر و العاشر من رمضان.
نزلت وفضلت ادور كعب داير على وظيفة تايهه يا ولاد الحلال، ولكن مفيش ... حتى الشركة اللي صاحبي لسه مقدم فيها امبارح، وعامل انترفيو، بس معاه كوسه، قالت لي مفيش وظايف .

قلت مبدهاش بقى و لازم اعمل حاجة ... كلمت صديق ليا يعمل داخل الشركة و قلت له : انا بدور على شغل و بسأل في الشركة عندك قالولي مش طالبين حد ... قالي ازاي ؟ ثواني وانزلك حالا ..
وعقبال ما شربت سيجارة نزل صديقي وأخد مني السي في وهو بيقولي: يا راجل فيه حد عايز يقدم على شغل من غير ما حد من جوه الشركة يقدم له السي في بنفسه !.
بعد يومين جالى أتصال هاتفي ..
- الو ... المهندس أحمد صبري، مع حضرتك تامر من شركة كذا (اللي صاحبي مقدم لي فيها) وكنت عايز أحدد مع حضرتك ميعاد عشان تيجي تعمل أنترفيو. لو حضرتك فاضي بكره يبقى الميعاد بكره الساعة 1 الظهر ان شاء الله.
- يا سلام يا سلام أنت تؤمر ... بكره من الساعة 12 هكون قدام باب الشركة مستني.

إتصلت بصديقي لكي اشكره و ابلغه بموعد الانترفيو بتاعي ... قالي: تمام جدا، بص بقى الواسطة اللي قدرت اجبهالك أني اقدملك السي في بتاعك و اخليك تمتحن في الشركة، إنما غير كده مش في مقدرتي ... يعنى محتاجة واسطة أكبر شوية عشان تعدي من الامتحان.
يا سلام !!! حتى الامتحانات والقعدة مع الـ HR بقى فيها وسايط ؟!! 

يعني أنا لو ساقط الواسطة تعديني، ولو نجحت ومعييش واسطة ممكن ما اشتغلش !! ده كفاية اسئلتهم اللي ملهاش اجابة ... دي أصعب من امتحان الفيزياء في الثانوية العامة !!
اسأل صديق لى يعمل فرد أمن في أحدى الشركات عن مصير السي في اللي بنقدمها في الشركات، لان أغلب الشركات اللي بياخد منك السي في يا بتاع الامن اللي على الباب أو في الريسبشن السكرتيرة بتاخده ..
رد وقال لي : اخر كل يوم، لو الشركة محتاجة موظفين بنبعتهم الادارة يبصوا فيهم .. إنما لو مش محتاجين حد بناخدهم معانا البيت العيال تذاكر في ضهرهم، أو المدام تطلع عليهم بطاطس ! او الرمي بقى و تريح الدماغ من الأول خالص !!!. 

كل أصدقائي اللي خلصوا معايا السنة دي اشتغلوا بوسايط، اللي باباه كان صاحب مهندس فاتح مكتب فأخده معاه، و اللي خاله شغال في شركة فأخده معاه ... وكلهم اشتغلوا بعد الثورة وبوسايط ..
ده غير بعض العروض طبعاً ... إني أدفع مثلاً فلوس لشخص عشان يشغلني ..
كمثال: واحد قال لي هات 30 الف جنية و انا اشغلك في ادراة الكهرباء !! ... ده على اساس أني معايا 30 الف و بدور على الشغل رفاهية مثلا

ده غير موضوع الخبرة، أصل جميع الشركات واعلانات الوظايف طالبة خبرة ... وأنا لسه حديث التخرج و قاعد في البيت، كبيري هاخد خبرة من مطبخ أمي اللي بقالي فترة بتعلم منها الطبيخ.
أنا أعلم انه يكفيني شرف المحاولة في البحث عن وظيفة، ولكن لا يكفيني هذا الشرف طول الوقت ... فأنا بعد ما بقيت شحط وخلصت، لسه باخد المصروف ... وده ماينفعش لاني محتاج فلوس، والفلوس بتيجي من الشغل، والشغل بيجي بالواسطة ..
وكل واسطة وأنتم طيبين.
أحمد صبري

الأحد، 4 سبتمبر 2011

من هو سيف العدل ؟



بعد مقتل أسامة بن لادن زعيم تنظيم القاعدة أعلن التنظيم عن تولي سيف العدل منصب زعيم القاعدة لفترو مؤقتة و بعد عدة شهور اعلن عن تولي أيمن الظواهري منصب زعيم القاعدة لذلك قررت أن ابحث لكي أعرف من هو الشخصية المؤقنة التي تولت لعدة شهور أخطر تنظيم في العالم و كان هذه النتائج.

النشأه :
اسمه الحقيقة محمد إبراهيم مكاوي من مواليد اا ابريل 1960 مدينة  شبين الكوم – محافظة المنوفية , حاصل على بكالريوس تجارة من جامعة المنوفية , خدم في الجش المصري كظابط احتياط بعد تخرجة من الجامعة .

بدايته مع التنظيم :
عمل مع أيمن الظواهرى فى جماعة الجهاد فى مصر فى عام ١٩٨٧، اتهمته مصر بمحاولة إنشاء جناح عسكرى لجماعة الجهاد الإسلامى وبمحاولة قلب نظام الحكم ، ولكنه سافر والتحق بالقتال ضد الاتحاد السوفيتى فى أفغانستان.وفي عام 1988 تعرف سيف العدل على أسامة بن لادن في أفغانستان و انضم الى تنظيم القاعدة و اشرف على تدريب المجاهدين على استخدام المتفجرات في هذا الوقت .

مكانته في النتظيم :
يشغل سيف العدل منصب رئيس الأركان في تنظيم القاعدة فقد تولى تدريب عناصر "القاعدة"  و "الجهاديين" استخباريا وعسكريا في أفغانستان وباكستان والسودان، ودرب القبائل الصومالية المقاومة لقوات الأمم المتحدة. وأسس أول مركز تدريب للقاعدة في رأس كامبوني في الصومال بالقرب من الحدود مع كينيا. كما يشغل بجانب منصبه العسكري منصب عضو مجلس الشورى واللجنة العسكرية في التنظيم.

العمليات التي شارك فيها :
-         تتهمه الولايات المتحدة بتدريب المقاتلين الصوماليين الذين قتلوا 18 أميركيا في مقديشو عام 1993.
-         تفجير السفارتين الأميركيتين في كينيا وتنزانيا عام 1998.
-         يقال إنه درب بعض منفذي أحداث 11 ستنمبر  2001 رغم أن بعض التقارير ذكرت أنه كان من المعارضين لهذه العملية 
.
اعتقال سيف العدل :
بعد عملية تفجير السفارتين الامريكيتين عرضت الولايات المتحدة مكافأة قدرها خمسة ملايين دولار لمن يدلي بمعلومات تؤدي إلى اعتقال سيف العدل. وتم وضع اسمه على قائمة مكتب التحقيقات الفيدرالـ ( اف بي اي) كأبرز الإرهابيين المطلوبين.
بعد الغزو الأميركي لأفغانستان  عام 2001، فر سيف العدل إلى إيران، حيث وضع قيد الإقامة الجبرية مع آخرين بينهم سعد بن لادن وسليمان أبو غيث، ثم أفرج عنه في عام 2010 و عاد إلى منطقة الحدود بين أفغانستان وباكستان تقريبا في منطقة وزيرستان .

اسباب اختيار سيف العدل و ليس أيمن الظواهري ؟:
بعد اعلان مقتل بن لادن توقع الجميع أن زعيم التنظيم هو أيمن الظواهري لانه الأقرب لبن لادن و الأقدم في التنظيم فكان أيمن الظواهري هو مستشار بن لادن الديني و طبيبه الخاص وقد شارك بن لادن في التوقيع على فتوى بن لادن عام 1998 الداعية إلى تنفيذ هجمات ضد المدنيين الأمريكيين.
وصفه الكاتب الأمريكي جايلز فودين في كتابه عن تفجير السفارتين الأمريكيتين في إفريقيا بأنه الساعد الأيمن لأسامة بن لادن يشير إلى دوره المهم في التنظيم . ويضيف فودين إن بعض المحللين يعتقد أن الدكتور الظواهري يسيطر الآن على العمليات المالية لتنظيم القاعدة منذ انتهاء الحرب الأمريكية على أفغانستان . وقد ورد اسم الظواهري في العقوبات المالية التي فرضتها أوروبا على طالبان.
و عن اسباب أختيار سيف العدل في الوقت الحالي يقول نعمان بن عثمان وهو إسلامي ليبي تخلى عن القاعدة إن اختيار سيف العدل جاء نتيجة الاضطراب الذي يسود صفوف القاعدة في ظل غياب قائد لهم و أن هذا التعيين قد يكون وسيلة لاختبار ردود الفعل على تعيين قائد لا ينتمي الى شبه الجزيرة العربية، تمهيدا لتعيين القيادي الثاني في القاعدة المصري أيمن الظواهري الذي يعتبر بمثابة الخلف الطبيعي لبن لادن ويضيف بن عثمان أن سيف العدل لم يمارس دور القائد بمعناه الشامل بل كان مختصا فقط بالتخطيط للعمليات والشؤون العسكرية . 

يبقى السؤال مطروحا لماذا اختار تنظيم القاعدة زعيم مؤقت مصري و لماذا الأعلان عن مقتل أسامة بن لادن في هذا الوقت بعد قيام ثورة مصر و الكل يعلم أن القادم بعد أسامة بن لادن هو أيمن الظواهري المصري ؟.

أحمد صبري

الخميس، 1 سبتمبر 2011

عادات وطقوس مصريه في العيد



لكل شعب عاداته و تقاليده و خصوصا الشعب المصري اللي بيحافظ على عاداته و تقاليده من 7000 سنه و مش بيغيرها حتى لو قامت 100 ثورة و خصوصا في الاعياد بيبقى ليه طقوس خاصة منها الاتي :

·        قبل العيد بأسبوع تنضيف الشقة بالكامل كأننا كنا معفنين قبل العيد .

·        غسل السجاد و المشيات و كل حاجة تفرش في الأرض يأما في مغسله او في مدخل العماره و تغريق الشارع ميه بصابون ( دليل النظافة لكل عماره ) و عدم فرشها الا يوم الوقفه .

·        عمل الكحك و البسكاويت بكميات كبيره و توزيع اطباق منها على كل الجيران و كل جار لازم يرد الطبق فيه نفس الكميه من الكك اللي وصلولوا .

·        كل واحد يدوق كحك جاره و ينتقده بانه كان محتاج يخمر شوية , الدقيق وحش , الكربوناته كتيره في العجين و هكذا .

·        تحويش كميات كبيره من الأكل تكفي لاطعام دولة كامله بحجة ان البياعين بياخدوا اجازة العيد لمدة اسبوع ولازم البيت يبقى عمران .

·        زحام شديد على محلات اللب و السوداني و الشوكلاتات .

·        اغلاق جميع افران العيش في العيد .

·        امك تقولك لازم تلبس لبس جديد تنزل تصلي بيه عايز الناس تقول علينا عره و مجبالكش لبس جديد في العيد تصلي بيه حتى لو بقيت شحط و خلصت دراسة لازم تسمع الكلمتين دول .

·        لازم شيخ الجامع يوم صلاة العيد يفضل يقول في الميكرفون مفيش صلاة تحية مسجد احنا بنصلي في الشارع و محدش بيعبره و بيصلوا برضوا .

·        الستات لازم تسلم على بعضها على باب او سلالم الجامع و يحكوا لبعض هما خلصوا فرش الشقة امتى بعد حملة التنضيف الجماعية اللي قاموا بها .

·        الأمام في صلاة العيد يقول للمصلين التكبير في السر و عدم رفع الايد و كل اللي بيصلي وراه يكبر جهرا و يرفع ايده .

·        بعد الصلاه الاطفال لازم يمطروك بومب و صواريخ و يضربوا مسدس الخرز فيك .

·        التليفزيون يعرض اغنية صفاء أبو السعود العيد فرحه بأستمرار .

·        القنوات تعرض كلها نفس الفيلم في نفس اليوم و احيانا في نفس التوقيت .

·        كل قناة تجمع عدد لا بأس بيه من الفنانين يطلعوا يقولوا للناس كل سنة و أنتوا طيبين و عيد سعيد عليكوا .

·        ظهور عمرو مصطفى على أي قناة أو فيديو صغير على اليوتيوب لحرقة دمك بكلامه و خلاص .

·        لازم تقعد تدور في التليفزيون على مسرحيه العيال كبرت و مدرسة المشاغبين و الواد سيد الشغال .

·         زيارة الاقاريب او التعيد عليهم في التليفون حتى لو أنت مش بطقهم .

·        الخال أو العم لازم يزل العيل الصغير عشان يعطيه عديه و لازم ابوه يردها اكبر من ما هو دفعله .
·        السفر للبلد حتى لو أنت مش بتحبها .

·        زحف شديد من المناطق الشعبيه على المولات في مدينة نصر و السينمات .

·        امتلاء الول على الفيس بوك بكلمة عيد سعيد و كل سنة و أنت طيب .

·        عمل تاج ليك في صور بالونات عليها كل سنة و أنت طيب و صورة الدوش و مكتوب عليها نذكركم بمعاد استحمامكم اليومي .

·        كل صفحة لفنان أو اي موضوع على الفيس بوك تكتب هتقضوا العيد فين يا جماعة ؟ .

أحمد صبري

لا تصالح - امل دنقل


(1 ) 
لا تصالحْ!
..
ولو منحوك الذهب
أترى حين أفقأ عينيك
ثم أثبت جوهرتين مكانهما..
هل ترى..؟
هي أشياء لا تشترى..:
ذكريات الطفولة بين أخيك وبينك،
حسُّكما - فجأةً - بالرجولةِ،
هذا الحياء الذي يكبت الشوق.. حين تعانقُهُ،
الصمتُ - مبتسمين - لتأنيب أمكما..
وكأنكما
ما تزالان طفلين!
تلك الطمأنينة الأبدية بينكما:
أنَّ سيفانِ سيفَكَ..
صوتانِ صوتَكَ
أنك إن متَّ:
للبيت ربٌّ
وللطفل أبْ
هل يصير دمي -بين عينيك- ماءً؟
أتنسى ردائي الملطَّخَ بالدماء..
تلبس -فوق دمائي- ثيابًا مطرَّزَةً بالقصب؟
إنها الحربُ!
قد تثقل القلبَ..
لكن خلفك عار العرب
لا تصالحْ..
ولا تتوخَّ الهرب!
(2)
لا تصالح على الدم.. حتى بدم!
لا تصالح! ولو قيل رأس برأسٍ
أكلُّ الرؤوس سواءٌ؟
أقلب الغريب كقلب أخيك؟!
أعيناه عينا أخيك؟!
وهل تتساوى يدٌ.. سيفها كان لك
بيدٍ سيفها أثْكَلك؟
سيقولون:
جئناك كي تحقن الدم..
جئناك. كن -يا أمير- الحكم
سيقولون:
ها نحن أبناء عم.
قل لهم: إنهم لم يراعوا العمومة فيمن هلك
واغرس السيفَ في جبهة الصحراء
إلى أن يجيب العدم
إنني كنت لك
فارسًا،
وأخًا،
وأبًا،
ومَلِك!
(3)
لا تصالح ..
ولو حرمتك الرقاد
صرخاتُ الندامة
وتذكَّر..
(
إذا لان قلبك للنسوة اللابسات السواد ولأطفالهن الذين تخاصمهم الابتسامة)
أن بنتَ أخيك "اليمامة"
زهرةٌ تتسربل -في سنوات الصبا-
بثياب الحداد
كنتُ، إن عدتُ:
تعدو على دَرَجِ القصر،
تمسك ساقيَّ عند نزولي..
فأرفعها -وهي ضاحكةٌ-
فوق ظهر الجواد
ها هي الآن.. صامتةٌ
حرمتها يدُ الغدر:
من كلمات أبيها،
ارتداءِ الثياب الجديدةِ
من أن يكون لها -ذات يوم- أخٌ!
من أبٍ يتبسَّم في عرسها..
وتعود إليه إذا الزوجُ أغضبها..
وإذا زارها.. يتسابق أحفادُه نحو أحضانه،
لينالوا الهدايا..
ويلهوا بلحيته (وهو مستسلمٌ)
ويشدُّوا العمامة..
لا تصالح!
فما ذنب تلك اليمامة
لترى العشَّ محترقًا.. فجأةً،
وهي تجلس فوق الرماد؟!
(4)
لا تصالح
ولو توَّجوك بتاج الإمارة
كيف تخطو على جثة ابن أبيكَ..؟
وكيف تصير المليكَ..
على أوجهِ البهجة المستعارة؟
كيف تنظر في يد من صافحوك..
فلا تبصر الدم..
في كل كف؟
إن سهمًا أتاني من الخلف..
سوف يجيئك من ألف خلف
فالدم -الآن- صار وسامًا وشارة
لا تصالح،
ولو توَّجوك بتاج الإمارة
إن عرشَك: سيفٌ
وسيفك: زيفٌ
إذا لم تزنْ -بذؤابته- لحظاتِ الشرف
واستطبت- الترف
(5)
لا تصالح
ولو قال من مال عند الصدامْ
"..
ما بنا طاقة لامتشاق الحسام.."
عندما يملأ الحق قلبك:
تندلع النار إن تتنفَّسْ
ولسانُ الخيانة يخرس
لا تصالح
ولو قيل ما قيل من كلمات السلام
كيف تستنشق الرئتان النسيم المدنَّس؟
كيف تنظر في عيني امرأة..
أنت تعرف أنك لا تستطيع حمايتها؟
كيف تصبح فارسها في الغرام؟
كيف ترجو غدًا.. لوليد ينام
-
كيف تحلم أو تتغنى بمستقبلٍ لغلام
وهو يكبر -بين يديك- بقلب مُنكَّس؟
لا تصالح
ولا تقتسم مع من قتلوك الطعام
وارْوِ قلبك بالدم..
واروِ التراب المقدَّس..
واروِ أسلافَكَ الراقدين..
إلى أن تردَّ عليك العظام!
(6)
لا تصالح
ولو ناشدتك القبيلة
باسم حزن "الجليلة"
أن تسوق الدهاءَ
وتُبدي -لمن قصدوك- القبول
سيقولون:
ها أنت تطلب ثأرًا يطول
فخذ -الآن- ما تستطيع:
قليلاً من الحق..
في هذه السنوات القليلة
إنه ليس ثأرك وحدك،
لكنه ثأر جيلٍ فجيل
وغدًا..
سوف يولد من يلبس الدرع كاملةً،
يوقد النار شاملةً،
يطلب الثأرَ،
يستولد الحقَّ،
من أَضْلُع المستحيل
لا تصالح
ولو قيل إن التصالح حيلة
إنه الثأرُ
تبهتُ شعلته في الضلوع..
إذا ما توالت عليها الفصول..
ثم تبقى يد العار مرسومة (بأصابعها الخمس)
فوق الجباهِ الذليلة!
(7)
لا تصالحْ، ولو حذَّرتْك النجوم
ورمى لك كهَّانُها بالنبأ..
كنت أغفر لو أنني متُّ..
ما بين خيط الصواب وخيط الخطأ.
لم أكن غازيًا،
لم أكن أتسلل قرب مضاربهم
أو أحوم وراء التخوم
لم أمد يدًا لثمار الكروم
أرض بستانِهم لم أطأ
لم يصح قاتلي بي: "انتبه"!
كان يمشي معي..
ثم صافحني..
ثم سار قليلاً
ولكنه في الغصون اختبأ!
فجأةً:
ثقبتني قشعريرة بين ضعلين..
واهتزَّ قلبي -كفقاعة- وانفثأ!
وتحاملتُ، حتى احتملت على ساعديَّ
فرأيتُ: ابن عمي الزنيم
واقفًا يتشفَّى بوجه لئيم
لم يكن في يدي حربةٌ
أو سلاح قديم،
لم يكن غير غيظي الذي يتشكَّى الظمأ
(8)
لا تصالحُ..
إلى أن يعود الوجود لدورته الدائرة:
النجوم.. لميقاتها
والطيور.. لأصواتها
والرمال.. لذراتها
والقتيل لطفلته الناظرة
كل شيء تحطم في لحظة عابرة:
الصبا - بهجةُ الأهل - صوتُ الحصان - التعرفُ بالضيف - همهمةُ القلب حين يرى برعماً في الحديقة يذوي - الصلاةُ لكي ينزل المطر الموسميُّ - مراوغة القلب حين يرى طائر الموتِ
وهو يرفرف فوق المبارزة الكاسرة
كلُّ شيءٍ تحطَّم في نزوةٍ فاجرة
والذي اغتالني: ليس ربًا..
ليقتلني بمشيئته
ليس أنبل مني.. ليقتلني بسكينته
ليس أمهر مني.. ليقتلني باستدارتِهِ الماكرة
لا تصالحْ
فما الصلح إلا معاهدةٌ بين ندَّينْ..
(
في شرف القلب)
لا تُنتقَصْ
والذي اغتالني مَحضُ لصْ
سرق الأرض من بين عينيَّ
والصمت يطلقُ ضحكته الساخرة!
(9)
لا تصالح
فليس سوى أن تريد
أنت فارسُ هذا الزمان الوحيد
وسواك.. المسوخ!
(10)
                                                                           لا تصالحْ
                                                           
لا تصالح