بعد ما خلصت كلية الفقعه الكبير الهندسة و بدات رحلة البحث عن وظيفة ابتديت اتصدم بـ الأتش أر و يفضل بقى يسأل و يفقع في مرارتي بسألها ملهاش اجابة اصلا و ليكم احد المقابلات مع الـ الأتش أر بس الاجابة في الاسئلة اللي هجاوب عليها هتبقى هي الاجابة اللي بيبقى نفسي اقولهالوا و هو قاعد قدامي
هو : أزيك يا أحمد عرف نفسك ؟
أنا : ما السي في بتاعي قدامك اهوا و انت بقالك ساعة بتقرا فيه مع أن كله يتقري في دقيقة .
هو : كلمني عن مشروع تخرجك ؟
أنا : و انت تعرف ايه عن مشروعي يا طعم أنت يا جميل , حضرتك تعرف حاجة عن الهندسية قبل كده ؟
هو : ندمت على ايه في حياتك ؟
أنا : اكيد أني دخلت هندسة
هو : و ايه اكبر انجاز عملتوا في حياتك ؟
أنا : أني اتخرجت منها و أنا لسه بصحتي ما جليش شلل و بقدر امشي على رجلي .
هو : شايف نفسك ايه كمان 5 سنين ؟
أنا : شايف نفسي واقف أنا و أنت قدام القاضي علشان ينظر في الدعوى اللي رفعتها عليك بسبب الاضرار النفسيه اللي سببتهالي بسبب اسألتك
هو : ايه التغير اللي حصل في حياتك و فرحت بيه قوي ؟
أنا : ان الاهلي رجع جوزية تاني
هو : و ايه التغير اللي حصل و مكنتش عايزه يحصل ؟
أنا :لما ماما بتعملي اكل جديد من برنامج الشيف حسن بتاع قناة الحياة
هو : طب قولي 13 * 15 بكام ؟
أنا : حمرا
هو : نفسك تعمل ايه في حياتك ؟
أنا : نفسي اعمل اعتصام ضد الأتش أر
هو : أحمد احنا متشكرين على وقتك جدا و ان شاء الله لو فيه نصيب هنكلمك تيجي تعمل انترفيوا تاني .
أنا : شكرا يا ورك يا كبير
أحمد صبري
و انت عايزة يسألك يقولك أية على فكرة كل حاجة من دول مهمة و بيختارك على أساس الكلام دة كلة يعنى جزء بتاع شاف نفسك أزاى دة هيعتمد على التخيل بتاعك فى المستقبل بناء على وضعك الحالى و كل أجابة بتقولها بيبقى ليها مميزات و عيوب و بعدين الأتش أر دة هو الأعصاب بتاعت الشركة و هو اللى ممكن يخلى شركة ماشية 10 على 10 او تبقى منيلة
ردحذف