أمسيه شعر ليليه بين ريمي و أحمد .... عن العشق قالوا .

ريمي : اشعر به ،استنشق هوائه، متي يأتي لأري صورتي بداخل عينه ، كما تعودت ان اكون بنظره...

احمد : و اقول لعيني هل شبعتي من رؤيه و تقول لي و هل من مزيد ؟

ريمي : كيف ليه ان اشبع من حب انتطرته طويلا، كيف ليه ان اشبع من حبيب حكوا عنه اساطيرا؟

احمد : قلت لنفسي اخاف من غدر الزمان اخاف من وهم قد اعيشوا اخاف ان اعتاد ان ارا حبيب و يرحل بعيدا عني , فالحب كالاساطير يحكى فقط عنه و لا يريح جفن و لا فؤاد

ريمي : نعم ياقلبي قد يكون حقيقه وقد يكون اسطوره ولكن يكفيني تلك اللحظات التي اراه بها يكفيني ان المس يداه لأفكر بعد ذلك ان كان حقيقه ام انه حلم وانتهي

احمد : و لماذا عذاب الفؤاد يا عزيزتي فالحب اشتكى منه العشاق و انتحر بسببه الاحباب و صار يسيطر على عقل كل عاشق ولهان يسهره مشغول البال ليلا و يبكيه نهارا و احيانا يخطىء القلب في العنوان و يقول على فلان هذا حبيبي و يتعذب بسببه كثيرا و يشكوه للنجوم و القمر و يصبح محتارا و لا يقدر على البعاد

ريمي : اراك محقآ كثيرا لكني احببته نعم احببته اتعذب كثيرا عندما يكون بعيدا لكني سرعان ماأنسي عذابي بوجوده جانبي فهو الأمان ومعني الحنان عرفته فقط من داخل قلبه

احمد : هذا هو حال الحب يا عزيزتي استمتعي بالحظاته و انتظري عذابه ففرحه قليل و حزنه كتير و عذابه اليم و له في قلب كل عاشق جرح اليم يداويه الزمن مع مرور الايام و لكن يبقى في القلب جرح صغير لا تقدر عليه الايام و السنين و لا دواء طبيب فالعشق داء ليس له دواء

ريمي : هل هذه هي النهايه؟ هل نهايه الأحلام السعيده جرح عميق؟ كم انت قاس ايها الحب نغرق فيك لكنك تطعنا بظهر السكين وتصر علي ذبح قلوبنا لنصبح بقايا كل شئ نتحصر فقط علي عشقنا...

ريمي عبد الحليم

أحمد صبري

التسويق المباشر شغل بدون مجهود و فلوس بالملاين !.

أنت مدير نفسك , أنت مدير فريقك , أنت تعمل بأقل مجهود ونحن نساعدك ونعطيك الدورات اللازمة مجاناً لتصبح رجل اعمال .

ده كان جزء من presentation اللي أنا حاضرته و خلوني أحكلكم الحكاية من الأول خالص علشان تفهموا أنا قصدي ايه ؟ .

أتصلت بيا صديقة و قالت لي : أن في فرصة شغل كويسة جيدا و مش محتاجة مننا تفرغ كامل و فلوسها كتيره جدا و كل اللي مطلوب منك أنك تيجي تحضر معايا presentation و تعرف طبيعة الشغل و خلاص .

أنا مفهمتش حاجة من المكالمة و هي مرضتش تقولي حاجة كل ما سألها تقول لي لما نوصل هتعرف كل حاجة , المهم رحت معاها و لقيت مكان كالاتي :

شركة مأجره دور كامل في مول في المعادي وعماله مقر ليها , مقسمه الدور ده ل ( مكاتب و قاعات للمحاضرات ) , دخلت قاعة كان مكتوب على الباب طريق النجاح بالداخل , جوه القاعة كان في ناس كتير من طبقات مختلفة ( يعني كان في اللي لابس نضيف جدا و تحسه مدير و موظف و في اللي هدومه مبهدله و تحسه سواق و تباع و في اللي عاطل ) بعد ما بصيت في وش كل واحد فيهم و خمنت هو بيشتغل ايه , جيه شاب وقعد يتكلم لمدة ساعتين أتكلم فيهم عن الاشاعة وتأثرها على الأقتصاد و بعد كده شرح حاجة أسمها مبدأ المضاعفة و أعد يقول امثلة كتير زي كم مرة نصحت صديقك أو جارك أو قريبك بسلعة معينة أو خدمة معينة ثم استجاب لرأيك ونصيحتك وبالفعل قرر شراء تلك السلعة أو الخدمة ؟! .. من المؤكد أن هذا كثيراً ما حدث ويحدث وسيحدث ولكن للأسف مجــانـاً. ( هتقولي ايه لازمة الكلام ده كله , هقولك هتعرف بعدين أنا برضوا كنت فاكر أنه أي كلام و خلاص ) أتقل أنت بس .

طول الوقت ده أنا مش عارف أنا هشتغل ايه ولا هكسب ايه لدرجة أني شكيت أني رحت الكلية من كتر الدش اللي الراجل كان بيقوله .

أخيرا دخل في الموضوع , و قال يا جماعة الموضوع سهل و بسيط دي حاجة كانت موجوده في مصر من زمان بس بصورة سيئه احنا طورنها و خلينها زي بتاعت بلاد بره اللي هي ايه التسويق المباشر :

يعني ايه أشتغل تسويق مباشر؟ , قال : يعني أنك تشتري منتج من شركتنا و اول ما تشتريه هتشتغل على طول معانا و هتتحط على النظام بتاع الشركة و يتعملك كارنيه و تبدء تقبض كل 15 يوم من الشركة , ده غير Bonus والجوائز اللي هي ( عربيات و شقق و هكذا ) , طب ايه هي المنتجات ؟ .

المنتجات :

1- موفر الكهربة فيشة بيتحط بعد العداد علشان تقلل فتورة الكهرباء ل 30% - 40 % .

2- قلم مغناطيسي بتقلب بيه الميه قبل ما تستخدمها فبينقي الميه من البكتريا و الميكروبات بيخليها زي مية زمزم بالظبط ( والله قالنا كده لما تحط القلم في الميه بخليها زي مية زمزم و لما واحد سأله إزاي قاله هشرحالك بعدين ) .

3- موفر البنزين جهاز مغناطيس بيركب في العربية بيخليها توفر 20 % - 30 % من البنزين اللي بتحتاجه .

4- جلده مغناطيسية بتركب في حلة الغسالة الفول اتوماتيك توفر 50% من كيمة المسحوق اللي بتستخدمه .

5- جهاز قياس السكر , حزام التخسيس .

لو مش عجباك المنتجات اللي بتستوردها شركتنا مش قدامك غير أنك تدفع 300 جنية و هتاخد بيهم بونات خصم من محلات الشركة بتتعامل معاها .

طب هقبض كام وهشتغل ايه بعد ما اشتري المنتج ؟! , ده بقى الكلام اللي جاي دلوقتي , هيجي شاب تاني غير الأولاني بس ده مربي دقنة زي بقية طقم الشركة هو اللي هيشرح موضوع الفلوس والشغل لانه المدير المالي في الشركة ( هيه هيه هيه اخيراً هعرف هكسب ايه في المكان ده ) .

بص يا سيدي كل اللي مطلوب منك أنك تبلغ زمايلك و أصحابك و قاريبك و كل شخص تعرفه و حتى لو متعرفهوش مفيش مشكلة لان كل ده هيفيدك , أنت هتعرض على كل الناس دول فكرة الانضمام لشركتنا عن طريق أنهم يشتروا المنتج بتاعنا و مش مطلوب منك أنك تمسك المنتج و تلف بيه في الشارع كل اللي هتعمله أنك تدعيه يجي يحضر ال presentation ( زي ما صحبتي عملت فيا بالظبط ) و كل ما تجيب شخص هتاخد نسبة على الشخص اللي أنت جيبته (22.5 جنيه ) على أول 4 أشخاص وبعد كده ( 11.5 جنيه) على أي شخص تجيبه بعد كده , (يعني من الأخر أنت بتشتغل في الشركة مندوب مبيعات بدون منتج ) .

هيعد يشرح و يقولك كلام كتير أوي و أنك لو جبت 30 شخص هتاخد مبلغ كبير و يبقى معاك نقط كتير و أن كل 1000 نقطة ب 1000 جنية و أنك ممكن تقبض في نص الشهر 7000 جنية و يقعد يجبلك نماذج من اللي أشتغلوا في الشركة و عملوا 100000 جنية في 6 شهور..... واحد كده يجي يقولك أنا الحمد لله عملت فلوس كويسه من الشغل ده و مش عايز حد ييأس خالص لاني بعد ما تكلمت مع 260 شخص رفضوا يجوا معايا بس الشخص 261 اقتنع و من ساعتها و أنا بقبض فلوس كتير كل نص شهر و لسه برضوا بشتغل في شغلي مسبتوش , ( مش عارف ليه كنت حاسس انه ممثل جيبينوا علشان يحمسونا و خلاص ) .

من كتر الارقام و الحاجات الكتير اللي بيتكلم فيها أنت مبتعرفش تستوعب حاجة لانه بيدخل كل الارقام و الاشخاص مع بعض و تلاقي رسومات بيانيه على البورده و حاجات غريبه و فجأه يقف و يقولك أنت هنا هتاخد 5000 جنيه و أنت اساسا مش فاهم حاجة , طبعا أنت مش هتفضل كده بتجيب ناس و خلاص و تاخد على الراس 22.5 جنية لا أنت هتترقى و تبقى مدير عام ( قصدي مدير متقدمة ) مدير متقدمة دي بعد ما أنت تجيب أربع أشخاص للشركة و الاربعه دول لازم يجيبوا أتنين , الشركة بتعملك زي شبكة من الأفراد أنت اللي بتكونها و تجيب فيها فرد واحد بس و هو يجيب بقيت الافراد و الافراد دول برضوا يجيبوا افراد , بكده أصبحت الفلوس اللي أنت بتاخدها مبنيه على أشخاص تنين أنت متعرفهمش و الفلوس بتتاخدها مره واحده على الشخص الواحد فقط و كمان عندك فرصة أنك تفتح أكتر من متقدمة علشان لو لقيت حد و عايز ينضم للشركة تجيبه و تستفيد منه .

الشركة بتديك دورات في التنمية البشرية و دورات أنك أزاي تقنع الناس أنهم ينضموا للشركة ده غير انه بيقولك : أنا هساعدك و هاديك كورسات انجليزي و هكلم دكاترة في الجامعات يجوا يدوا الطلبة اللي بتدرس و بتشتغل معانا هنا كورسات في المواد اللي بيخدوها بأسعار رمزية ده غير كورسات الكمبيوتر و الجرافيك و حاجات تانية كتير يعني أنت معانا مستفيد بلا شك و كل ده بردوا بفلوس قليله جدا و كمان هخليك تاخد خصومات تصل ل 40 % على منتاجات أوريفليم وريدز .

شرح ليه الإيشاعة و مبدأ المضاعفة , الأيشاعة علشان تستخدمها في الترويج عن الشركة بين أصحابك والناس اللي هتجيبهم علشان تحاول تقنعهم بشتى الطرق أنهم يشتروا المنتج و يشتغلوا في الشركة و طبعا الاشاعة في مصر بتنتشر بسرعة الصاروخ , مبدأ المضاعفة هو مبدأ سحري في التسويق المباشر .. بل قامت عليه البشرية كلها بأعدادها الهائلة والتي جاءت كلها من واحد هو آدم ثم 2 ( آدم وحواء ) ثم أبنائهم فصاروا 6 ثم عشرات فمئات فألوف فملايين فتريليونات من البشر فأنت تتحدث مع شخصين أو ثلاثة .. ثم هم بدورهم كل واحد سيتحدث مع شخصين أو ثلاثة وهكذا .. وفي وقت قصير تكون قد كسبت ملايين الناس ونشرت بينهم ما تريد توصيل ( ده زي ما قاله بالظبط علشان انا اول مره اسمع عنه كان منه ) .

صحبتي اللي اقترحت عليا الموضوع طبعا أشتغلت في الشركة و أتحمست للموضوع أوي و قالت ايه يعني لما أدفع 300 جنية مقابل أني هقبض كل نص شهر و في أقل من سنة هيكون معايا فلوس كتير وجيب العربيه ولا زول بابا ليا , لحد دلوقتي بقالها سنة بتشتغل في الشركة و مش عارفه تجيب حد خالص لانها كل ما تعرض الموضوع على حد بيقولها أن كل ده نصب و كلام فارغ طبعا .

و أنا طبعا قطعت علاقتي بصحبتي لانها وديتني المكان ده .

أحمد صبري